Amfanin Rake Ga Lafiyar Jiki

An san rake sosai saboda yawan sukarin da take da shi, wanda yasa ta zama tushen farko na samar da sukari. Sai dai an yi ta muhawara kan ko shan rake na da amfani ga lafiya ko a’a.

Baya ga yawan sukarin da ke cikin ta, rake kuma tana kunshe da sinadirai irin su potassium, calcium, magnesium, iron, manganese, da sauran sinadarai masu gina jiki, duk da cewa suna da yawa. Har ila yau, ruwan rake suna dauke da bitamin.

Ga amfanin rake ga lafiyar jiki kamar haka:

1. Tana Hana Ciwon Daji: Ma’adanai dake cikin rake na taimakawa wajen hana nau’in ciwon daji daban-daban ta hanyar samar da yanayin alkaline a cikin jiki wanda ba zai iya haifar da ciwon daji ba.
2. Mai Amfani Ga Masu Ciwon Suga: Duk da yawan sukarin da ke cikinta, ana ganin rake tana da amfani ga masu ciwon sukari, musamman masu fama da ciwon sukari irin na 2. Wannan shi ne saboda sukarin halitta a cikin rake yana da ƙarancin glycemic index, ma’ana baya haifar da saurin hawan matakan sukarin jini saboda jinkirin narkewar abinci da yawan sha.
3. Tana Kare Hanta: Rake na dauke da sinadarin ‘Antioxidants’ wadanda ke taimakawa wajen hana cututtukan hanta da ke haifar da sinadarin ‘oxidative’ a jiki. Haka nan tana taimakawa wajen cire bilirubin daga jiki, inganta lafiyar hanta da hana lalacewa.
4. Tana Inganta Tsarin Garkuwar Jiki: Magungunan antioxidants da ke cikin rake na inganta garkuwar jiki da kuma taimakawa wajen yakar cututtuka.
5. Kyakkyawan Tushen Karfi: Rake na samar da kuzari saboda yawan adadin kuzarin da ke cikinta kuma tana taimakawa wajen samar da ruwa a jiki. Ana ɗaukar ta a matsayin abin sha mai ƙarfi a wasu ƙasashe, musamman a lokacin zafi na bazara, saboda tana bada kuzari nan take kuma tana kashe ƙishirwa. Kwararrun likitocin sun bada shawarar shan rake ko ruwan rake a matsayin madadin mafi koshin lafiya ga abubuwan sha masu ƙarfi waɗanda ka iya su ƙunshi sinadarai da abubuwan kiyayewa.
6. Tana Taimakawa Narkar da Abinci: Abubuwan da ke ciki na potassium a cikin rake na inganta tsarin narkewar abinci. Potassium yana nuna alamar lokacin da za a narkar da abinci, kuma rashin shi na iya haifar da matsalolin narkewar abinci kamar gyatsa da kumburi.
7. Tana Kare Haƙora: Sabanin yadda aka sani, rake na iya taimakawa a haƙiƙanin magance matsalolin hakori kamar ruɓa da warin baki. Ma’adanai kamar calcium, potassium, da magnesium a cikin rake na taimakawa wajen ƙarfafa hakora da kuma hana lalacewa.