Ina Kallon Yadda Kare Ya Cinye Jaririna – Mahaifiyar Dan Wata 5 Ta Bada Labarin bala’in Da Ta Gani

Mahaifiyar wani jariri dan wata 5 da wani karen waje ya kashe a garin Osogbo na jihar Osun, Nafisat Muideen, a ranar Alhamis, ta bayyana yadda ta ke kallon yadda karen ke cinye jaririyarta mai suna Mariam.

Ta bayyana cewa lamarin ya faru ne a wani sabon wuri da ke Haleluyah Estate, Osogbo, ranar Laraba, a lokacin da za ta siyo wa jaririn magunguna.

Mazauna yankin sun ce tabbas kare ya dade yana tsare a ginin kafin ya tsere.

Matar ta ba da labarin yadda ma’aikatan da ke wurin suka taimaka mata ta kashe karen don ceto jaririn, amma duk abin ya ci tura.

Bincike ya nuna cewa kare ya tsere ne bayan yayi ta tona a karkashin kofar na wasu kwanaki inda ake zargin an kulle shi.

An ce mazauna ginin sun kulle karen tare da fita daga garin na wasu kwanaki.

Matar ta ce, “Ban san lokacin da yayi tsalle ya kwace min jaririna daga baya na ba. Wurin yayi shiru (lafiya) ban ga wanda ya fito gare ni ba lokacin da nake ihu ba.

“Zan samo wa jaririna magani wanda ke da mura lokacin da lamarin ya faru.

“A lokacin da wasu ma’aikata za su fito, an makara. Ba su iya matsawa kusa da karen ba har sai su kashe shi. Yana rike da jaririna ne yayin da nake ihun neman taimako,” inji matar.

Kakakin rundunar ‘yan sandan jihar Osun, Yemisi Opalola, ya ce har yanzu ana ci gaba da kokarin cafke mai karen.

Wakilin mu ya ruwaito cewa ‘karnukan kasashen waje biyu ne suka cinye wannan jaririn da ba ya da lafiya.