An Tsamo Tarkace Da Gutsuran Gawarwakin Mutane Bayan Fashewar Jirgin OceanGate “Titanic”

A wani yanayi na musamman, tarkacen jirgin ruwa na OceanGate Titan wanda ya tarwatse a kasan teku bayan ya gamu da wani bala’i, a ƙarshe an tsamo tarkacen shi.

Bayan da aka kammala wani gagarumin bincike da ceto na kasa da kasa da ake kyautata zaton cewa an yi asarar dukkan fasinjoji biyar da ke cikin jirgin, tarkace da kuma abin da ake kyautata zaton gawarwakin mutane ne daga cikin jirgin, a yanzu an gano tare da tsamo su.

A cewar jaridar The Independent, rundunar tsaron gabar tekun Amurka ta sanar a daren Laraba cewa tarkacen da ake zaton gawarwakin mutane daga cikin jirgin ruwan Titan ne, an yi nasarar tsamo su daga teku.

A wani mai gadin ruwan teku na Canada Coast Guard a St. John’s, Newfoundland, cikin alhini ya bayyana yayin da ma’aikatan jirgin suka kwashe a hankali tare da karkatar da jirgin Titan mai tsawon ƙafa 22.

Hotunan da Jaridar Canadian Press ta dauka sun bayyana gutsuttsuran mutanen da sauran tarkace da ake saukewa daga Horizon Arctic, wani jirgin ruwa da ya taimaka wajen tura motar da ke aiki daga nesa don aikin binciken karkashin ruwa.

Za a kai tarkacen da aka tsamo zuwa tashar jiragen ruwa na Amurka, inda hukumar binciken ruwa za ta gudanar da bincike da gwaji.

A cikin wata sanarwa mai ratsa jiki, hukumar kula da gabar tekun Amurka ta sanar da cewa kwararrun likitocin Amurka za su gudanar da bincike a hukumance kan gawarwakin dan Adam da ake kyautata zaton an tsamo daga cikin tarkace a wurin da lamarin ya faru.

Da yake magana bayan an gano shaidar, shugaban hukumar binciken ruwan, Kyaftin Jason Neubauer, ya ce:

“Shaidun za su baiwa masu bincike daga hukunce-hukuncen kasa da kasa da dama fahimtar musabbabin wannan bala’i.

“Har yanzu akwai aiki mai yawa da za a yi don fahimtar abubuwan da suka haifar da mummunar asarar Titan da kuma taimakawa wajen tabbatar da irin wannan bala’i ba zai sake faruwa ba.”