Ƴan Sandan Kenya Sun Fesa Barkonon Tsohuwa Akan Masu Zanga-Zangar Ƙin Gwamnati A Nairobi
‘Yan sandan Kenya sun fesa barkonon tsohuwa a tsakiyar Nairobi babban birnin kasar a daidai lokacin da wasu gungun jama’a suka taru a wata sabuwar zanga-zangar nuna adawa da shugaba William Ruto mai fama da rikici.
Tattakin “Nane Nane” mai ma’ana “takwas takwas” dangane da ranar 8 ga watan Agusta, a ranar Alhamis ya biyo bayan zanga-zangar neman sauyi makwanni da aka shafe ana gudanar da zanga-zangar neman sauyi da Ruto ya yi watsi da shirin karin haraji tare da yiwa majalisar ministocinsa garambawul.
‘Yan sandan kwantar da tarzoma sun yi sintiri a kan titunan yankin tsakiyar kasuwanci tare da sanya shingayen kan manyan hanyoyi. An rufe shaguna da yawa.
Al’ummar gabashin Afirka, daya daga cikin mafi kwanciyar hankali a yankin, ta yi fama da zanga-zangar adawa da gwamnatin Ruto da ta shafe shekaru biyu tana mulki, wadda akasarinsu ke karkashin jagorancin matasa Gen Z na Kenya.
A cikin rikicin da ya kasance mafi girma a cikin shekaru biyu da ya yi yana mulki, Ruto ya yi kasa a gwiwa wajen matsin lamba tare da kawar da sabon harajin a watan Yuni bayan da wasu masu zanga-zangar suka mamaye majalisar kasar.
Ya kuma kori daukacin majalisar ministocinsa baya ga ministan harkokin wajen kasar a watan da ya gabata, nasara ce ga masu fafutuka da masu zanga-zangar da suka bukaci a yi sauye-sauye.
Yayin da Ruto ke sa ido a kan rantsar da majalisar ministocin da aka yi wa kwaskwarima a ranar Alhamis, ‘yan sanda sun yi feshin hayaki mai sa hawaye a babban birnin kasar tare da tsare mutane da dama.
