Bayan wasannin ranar Talata a gasar zakarun Turai (Champions League), kungiyoyi akalla shida ne suka tsallake zuwa matakin daf da na karshe.
Advertisement
Atletico Madrid da Benfica ne kungiyoyi na baya-bayan nan da suka haye gurbi a gasar ta takwas na karshe.
Kungiyar ta Spaniya ta doke Manchester United da ci 1-0 a filin wasa na Old Trafford inda aka tashi wasan da ci 2-1.
Advertisement
Ita ma Benfica ta lallasa Ajax da ci 1-0 a wasan da suka tashi 3-2 jumulla.
Sauran kungiyoyin da za su fafata a zagayen kusa da na karshe su ne Real Madrid da Bayern Munich da Manchester City da kuma Liverpool.
A ranar Laraba ne za a yanke hukunci na biyu na karshe lokacin da Chelsea za ta je Lille yayin da Juventus za ta kara da Villareal.
