Farashin Kayan Abinci Ya Sake Yin Tashin Gwaurayen Zabi Da Kashi 50%
Farashin kayan abinci na yau da kullun a Najeriya ya karu zuwa akalla kashi 40 cikin 100 a cikin watanni biyun da suka gabata, kamar yadda rahoton DAILY POST ya gudanar a kasuwa.
DAILY POST ta tattaro cewa ya zuwa ranar Litinin, 11 ga Fabrairu, 2024, farashin shinkafa, wake, garri, man gyada, tumatur, da biredi ya nuna hauhawar sama da kashi 40 zuwa 50 cikin dari daga Disamba 2023 zuwa Fabrairu 2024.
Binciken kasuwar da DAILY POST ta gudanar a ranar Litinin ya nuna cewa farashin buhun shinkafa mai nauyin kilogiram 50kg ya karu zuwa N65,000 daga N35,000; Wake ya tashi zuwa N1,600 a kowace ma’aunin mudu daga N800, 50kg na Garri ya karu zuwa N39,500 daga 22,000.
Kazalika, kwalin Super Pack na indomi Noodles ya karu zuwa N11,140 daga N6,000, haka kuma lita 25 na man gyada ya tashi zuwa N57,000 daga N34,000.
Haka zalika, kwandon kwai ya tashi zuwa N3,700 daga N2,500 sannan buhun Sugar 50kg ya karu zuwa N85,000 daga N40,000, Burodi 900g ya tashi zuwa N1,200 daga N600, Semovita 1kg zuwa N1,400 daga N900, Tumatir karamin kwando N4,000 daga N1,500 jerin ba shi da iyaka.
Daga abin da ya gabata, ya bayyana cewa abinci irin su Shinkafa ya sami kashi 46.2, wake 50 bisa dari, Garri 45 bisa dari, man gyada kashi 40, kwai 32 bisa dari, Sugar 52.9 bisa dari, Bredi kashi 50, Indomie 46 bisa dari. cent, Semovita 1kg 25 bisa dari, tumatir karamin kwandon kashi 62 ya karu.
A cewar hukumar kididdiga ta kasa, kididdigar farashin kayan masarufi na watan Disamba ya nuna cewa hauhawar farashin kayan abinci ya karu zuwa kashi 33.93 cikin dari.
Wannan ci gaban yasa ‘yan Najeriya suka koka kan tsadar rayuwa a karkashin Shugaba Bola Ahmed Tinubu.
