Tsaro

Boko Haram sun kai hari garin Chibok a Borno

Rahotanni sun ce mayakan Boko Haram sun kai hari kauyen Piyemi da ke karamar hukumar Chibok a jihar Borno a ranar Alhamis.

Wannan dai shine hari na biyu da aka kai wa al’ummar Chibok cikin kwanaki biyar.

Mayakan jihadin sun kashe mutane hudu a ranar 15 ga watan Janairu tare da yin garkuwa da wasu mutane da ba a tantance adadinsu ba yayin wani hari da suka kai kauyen Kautikari da ke yankin.

Advertisement

Mazauna garin sun shaida wa manema labarai cewa maharan sun kai farmaki kauyen ne da karfe 6:33 na yamma. sannan suka fara harbe-harbe ta bangarori daban-daban.

Sun kuma kona gine-gine tare da kwashe dabbobi da kayan abinci na al’umma.

Advertisement