Gwaiba (Guava) maganin gargajiya ce wacce ke maganin cututtuka da dama. Bincike na farko ya nuna cewa sinadaran dake cikin ganyen gwaiba na iya yin tasiri a kan nau’o’in cututtuka masu yawa, ciki har da ciwon wanda ya shafi matsalolin haila a bangaren mata, gudawa, mura, nau’in ciwon sukari na 2 (diabetes), da ciwon daji (Cancer).
Ganyen gwaiba yana sinadarai masu yin magani. Idan aka tsatsi ruwan ‘ya’yan itacen na gwaiba aka sha a baki sana ba da taimako daga sanyi da tari ta hanyar rage daskararar majina a maƙogwaro, da kashe ƙwayoyin cuta da kuma hana ƙwayoyin cuta a cikin makogwaro saboda yanayin astringent, wanda shima wani sinadari mai muhimmanci.
Ko da yake an san gwaiba tana amfani daban-daban, wani bincike na baya-bayan nan ya nuna wani fa’ida game da ganyen gwaiba a cikin maganin wanke baki domin yana taimakawa wajen rage ciwon aphthous (cututtuka a baki).
Domin samun ƙarin wasu fa’idodi na gwaiba sai ku cigaba da bin akan wannan shafin yanar gizo na Arewa Times Hausa, ko kuma a tuntuɓe mu kai tsaye ta wannan adireshin Email:- info@arewatimes.com.ng