Siyasa

2023: Ana yi min barazana akan ƙin goyon bayan takarar shugaban kasar Tinubu – Ojudu

Mai ba shugaban kasa shawara na musamman kan harkokin siyasa, Babafemi Ojudu, yace a ranar Talata ya sha samun sakonnin barazana saboda kin goyon bayan takarar shugaban kasa a 2023 na jagoran jam’iyyar All Progressives Congress (APC) na kasa, Bola Ahmed Tinubu.

A cikin wata sanarwa da mai taimaka wa shugaban kasar ya fitar a Abuja, ya bukaci yan Najeriya da kada su ga kin amincewa da takarar Tinubu ta shugaban kasa a matsayin cin amana.

Ojodu ya kuma yi watsi da rade-radin da ake yi cewa shi da wasu jiga-jigan jigogin jam’iyyar APC na daular siyasar sa (Tinubu) ne, kuma sun amfana da Tinubu.

Tsohon gwamnan na jihar Legas Tinubu ya sanar da shugaban kasa Muhammadu Buhari aniyar sa ta tsayawa takarar kujera mafi girma a siyasar kasar a ranar 10 ga watan Janairu.

Ojodu yace: “Ni da Bola Tinubu mun yi nisa sosai kuma mun kasance tare da juna. Don haka kada wani ya yi amfani da amincewa ta da ayyukansa na alheri da kin goyon bayansa a yunkurinsa na neman shugabancin Najeriya ya zama a matsayin maci amana.

Tinubu ya kasance shugabana kuma zan mutunta shi har abada.

Back to top button